O Ministerio de Asuntos Exteriores anunciou o pasado mes de novembro que Alberto Ruiz de Samaniego (Fene, 1966) era o comisario do pavillón de España na edición da Bienal de Venecia que terá lugar do 10 de xuño ao 21 de novembro. Esta mañá o crítico galego presentou en Madrid o proxecto expositivo que leva por título “Paradiso Spezzato-Paraíso fragamentado”. Un proxecto para o que conta cos artistas galegos Manuel Vilariño e Rubén Ramos Balsa, ademais do cineasta José Luís Guerín e Los Torreznos (Jaime Vallaure e Rafael Lamata). A conselleira de Cultura, Ánxela Bugallo, que asistiu á presentación, anunciou que o seu departamento apoia esta iniciativa con 60.000 euros.
Máis información no web da Bienal, no da Axencia Española de Cooperación Internacional e no da Consellaría de Cultura
