O Off de Ourense, As Xociviga de Carballiño, o Cineuropa de Santiago, e agora a Semana Internacional de cine de Betanzos. A cidade dos Cabaleiros quere subirse ó carro das actividades cinéfilas de Galicia. E faino celebrando unha semana adicada á séptima arte. A súa primeira edición ten un protagonista: José Luís Garci, de quen se exhibirá a súa filmografía. Unha semana.... de cine.
Retrospectiva
O cineasta José Luís Garci é o protagonista da primeira semana internacional de cine de Betanzos. Por ese motivo, farase unha retrospectiva do seu labor como director e cineasta exhibindo toda a súa filmografía.
Ademais, o cineasta estará presente en Betanzos para asistir á súa homenaxe e participar nas diferentes mesas redondas.
O Alfonsetti, o cine en funcionamento máis antigo de España, acollerá as películas de Garci entre as que destaca, "Volver a empezar", coa que o director conseguíu en 1983 un Óscar.
Un festival novel pero non novato
É certo que o festival é novel, porque esta é a súa primeira edición. Pero tampouco é menos certo que Betanzos sexa unha vila sen moita tradición cinematográfica. De feito este festival celébrase no marco das IV xornadas e seminarios de cine que se celebra en Betanzos cada verán. Unha semana que organiza o Concello en colaboración co Servicio de Medios Audiovisuais da Universidade da Coruña.
Este ano o programa contará coa presencia de Alfredo Landa, Fernando Guillén, Julia Gutiérrez Caba e Agustín González, co decorador asturiano Gil Parrondo e co director e guionista Luis María Delgado, quen produciu You´re the one e "El abuelo".
Un elenco que tamén contará coa presencia de Julio Pérez Perucha presidente da Asociación Española de Historiadores de Cine, así como varios estudiosos do mundo do celuloide.
