Unhas xornadas reflexionarán sobre a posibilidade de manter unha industria musical galega rendible e con proxección

Xestores, empresarios, políticos, xornalistas e técnicos participarán durante dous días en mesas de traballo e debate, conferencias e presentacións que abordarán a consideración da música como unha industria cultural, a necesaria ordenación das políticas públicas de fomento da música, a atención ás necesidades da visibilización social e distribución da música galega ao vivo e dos produtos fonográficos editados en Galiza e a internacionalización da música galega. O Auditorio de Galicia acollerá o programa “Xornadas de Debate. Cara a unha industria musical galega” os días 10 e 11 de abril. O evento está organizado pola Dirección Xeral de Creación e Difusión Cultura e o IGAEM.

Máis información no IGAEM