Ata o vindeiro vinte e nove de marzo está aberto o prazo para se inscribir nos novos cursos de formación para bibliotecarios que organiza a Dirección Xeral de Creación e Difusión Cultural canda a Escola Galega de Administración Pública. Dentro destes ciclos inclúese o curso on-line "Banda Deseñada, coñecelas e usalas nas bibliotecas". A cargo de Daniel Buján e Rosario Crespo, o programa desenvolverase ata o vindeiro mes de setembro e incidirá en cuestións coma a historia da novena arte, a súa clasificación e posibles actividades.
Máis información no Diario Oficial de Galicia
