Unha presentación de Rubín en Madrid e un Entroido en Vigo, son as citas BD para o Entroido

A coñecida libraría Madrid Cómics acolle o vindeiro sábado 17 a presentación de "A tearía do Oso Malaio", a última obra de David Rubín, que publicou recentemente a editora vasca Astiberri. Será a partir das seis da tarde, e o autor comprométese a asinar os exemplares dos asistentes. Ao tempo, desde Vigo chéganos unha convocatoria moi especial. A asociación Ippon organiza para ese mesmo día un Entroido Manga onde se poderá participar en concursos de disfraces e de karaoke entre outras actividades. Será no local da asociación veciñal Val do Fragoso.

Máis información no blog de David Rubín; e no blog da libraría Banda Deseñada