O Concello de Santiago e a Fundación Vía Galego presentan a súa campaña para ler en portugués en menos de medio minuto

Vinte e cinco segundos son todo o que nos separa da lectura en portugués. Cando menos, isto é o que sinala a campaña “Aprende em 25 segundos a ler em português" que presentaban onte en Compostela a Concellaría de Cultura e a Fundación Vía Galego. A proposta quere facilitar a comprensión dos textos en portugués mediante a difusión de dípticos e marcapáxinas onde se explican de xeito sinxelo as equivalencias gráficas entre as escritas do Alén e do Aquén Miño. A idea final é animar aos composteláns a que accedan a literatura e información na lingua irmá.

Máis información no web da Mesa; en Compostela Cultura, e en Galicia Hoxe ; díptico da campaña