Naceu en 1995 e desde entón mantense sen unha periodicidade fixa. Trátase de Portugaliza, o evento que promove a Sala Nasa de Santiago para achegar o teatro galego e portugués. O festival comezou onte coa presenza do Teatro de Marionetas de Oporto con “Nada ou o silenzo de Beckett” que deixará paso a Trigo Limpo, unha compañía asidua ao evento e que achegará dous espectáculos para celebrar os seus trinta anos. Falando de teatro, o presidente da comisión xestora galega da “Asociación de Actores” amosou a súa preocupación pola convocatoria de axudas feita pública pola Consellaria de Cultura para o sector escénico neste 2007. Para analizar a situación a comisión celebrará unha xuntanza esta mesma semana.
Máis información sobre Portugaliza en El País e no web da Sala Nasa; sobre as críticas da Asociación de Actores en El Correo Gallego
