Unha campaña tentará concienciar os escolares sobre o lume mentres nace unha mesa sobre a Construción para Edificación Sostible

As consellarías de Educación, Presidencia, Medio Ambiente e Medio Rural, canda ao programa Voz Natura, presentaron onte o programa "O monte e o desenvolvemento sostible". Este proxecto piloto pretende concienciar, mediante diferentes liñas de actuación, as novas xeracións sobre o valor do monte. Ao tempo, na Coruña reuníanse onte representantes de arquitectos, construtores, enxeñeiros e as Caixas de Aforros para constituír a Mesa para a Construción da Edificación Sostible. Este novo organismo pretende promover propostas para unha construción máis racional no país, apoiando ademais o emprego de materiais e métodos de construción ecolóxicos.

Máis información sobre a campaña de lumes en La Voz de Galicia; sobre a mesa en El País