Cincuenta obras de autores galegos de cómic, desde os pioneiros dos anos setenta ata os novos valores actuais poderán verse desde o vindeiro catorce de decembro na sede da Fundación Feima, en Madrid. A mostra "A historieta galega", está comisariada pola historiadora da arte Gemma Sesar e polo veterán autor e editor Fausto Isorna, e supón a primeira aposta que a fundación, dedicada a difundir a arte galega, realiza sobre a banda deseñada. Na exposición poderán coñecerse, a través de reproducións e de obras orixinais, nomes destacados da historia galega da BD canda a publicacións que marcaron época.
Máis información no web da Fundación