As obras completas de Valle-Inclán veranse publicadas en España da man da editorial Espasa-Calpe logo de longas e difícis negociacións cos herdeiros do escritor. Dous volumes de máis de dúas mil páxinas recollerán a producción literaria do autor.
Febreiro, a narrativa
Aínda haberá que agardar ata febreiro para ver o primeiro volume dos dous que compoñen as obras completas de Valle-Inclán editado por Espasa-Calpe. Esta edición chega despois de máis quince anos de negociacións da editora cos herdeiros do autor, que non daban chegado a un acordo para reunir todos os textos de Valle.
O primeiro destes volumes terá máis de dúas mil páxinas e recompilará a obra en prosa do autor, "Femininas", "Epitalamio", "Corte de amor" "Jardín Umbrío" e as "Sonatas".
O resto
O segundo volume, que terá case dúas mil cincocentas páxinas, pretende recoller o resto da obra do escritor, desde obras teatrais a poemas, prólogos, artigos ou contos. Entre estes textos poderán lerse algúns inéditos que acadou localizar Xaquín Valle-Inclán, neto do autor e encargado da edición da súas obras completas. É a primeira vez que se realiza unha edición deste tipo da obra do escritor galego.
