Tostados do Ribeiro, escumosos de Valdeorras e crianzas de viños brancos e tintos son as novidades do viño galego que puidemos coñecer no II Salón dos Viños e Augardentes de Galicia, que se clausura hoxe na Coruña. Os visitantes puideron probar arredor de 300 marcas diferentes de viños e augardentes, nun intenso programa deseñado para diversificar a cultura do viño. Deste xeito, presentacións de guías de viños e libros de receitas, cursos de iniciación á cata e concursos fotográficos e de deseño de botellas foron parte do programa deste Salón que busca popularizar e facer visibles os viños galegos. Ao mesmo tempo, hoxe soubemos que a Consellaría de Medio Rural aprobará a denominación específica de Viños da Terra Ribeiras do Barbanza-Iria para unha serie de concellos da comarca de Barbanza e Padrón.
Máis información na web do Salón do Viño, Galicia Hoxe; sobre a nova denominación de viños do Barbanza e Iria en La Voz de Galicia
