Nunha cita que se consolida, Lugo acolle estes días a IV Semana da Maxia, un encontro que contará coa presenza de 30 ilusionistas e que inclúe, ademais de abondosas actuacións, unha mostra de instrumental de magos. Para quen prefira contar historias de maxia no lugar de practicar o ilusionismo, a Consellaría de Cultura pon a andar a Semana da Literatura de Tradición Oral. Este evento celebrarase nas sete cidades do país e inclúe actuacións, debates e a presentación da revista "Voz ao vento", que distribuirá contidos da tradición oral e artigos de investigación. Dentro da semana incorpórase un certame de recollida de material deste tipo dirixido a centros de ensino.
Máis información no web do Concello de Lugo e no web da Consellaría
