O premio Manuel María de Literatura Dramática Infantil xa ten a súa primeira gañadora. Paula Carballería facíase esta mañá con este galardón que organiza o IGAEM coa súa obra "Boas noites". Ao tempo, fallábase o XV Premio Álvaro Cunqueiro para Textos Teatrais, que foi desta volta para Claudia Grandal por "O caso Otero". Os premios están dotados con 4.000 e 6.000 euros, respectivamente, e inclúen a publicación da obra. Pola súa banda, Breogán Riveiro facíase onte co premio "Pura e Dora Vázquez" de narración que convoca a Deputación de Ourense e está dotado con 3.000 euros.
Máis información no web do IGAEM e en La Región
