A poetisa María do Cebreiro (Santiago 1976) acaba de gañar o II Premio de Poesía Caixanova que convoca o Pen Club co seu libro "Non queres que o poema te coñeza". O premio está dotado con 10.000 euros e coa publicación dentro da colección "Arte de Trobar". Tamén de poesía, foi o premio Lorenzo Baleirón que desde hai 16 anos convoca o Concello de Dodro. Os 2.300 euros do galardón foron para María Comesaña pola súa obra "Zoonose". E, por outro lado, o xornalista e humorista gráfico Siro López acaba de ser galardoado co premio Álvaro Cunqueiro para textos teatrais coa obra "Hai que confiar na esperanza" que está dotado con 6.025 euros alén da publicación na colección "Os libros do Centro Dramático Galego" coeditados polo Igaem e Xerais.
Máis información sobre o premio de poesía Caixanova en El Correo Gallego e La Voz de Galicia; sobre o premio Álvaro Cunqueiro en El Correo Gallego e sobre o Lorenzo Baleirón en La Voz de Galicia
