Na rolda de prensa posterior á celebración do Consello da Xunta na que se presentaron os Orzamentos Xerais da comunidade para 2007, o presidente do Goberno galego sinalou que os orzamentos da Cidade da Cultura, están “practicamente conxelados” para o ano que ven. O investimento asignado de 50 millóns está destinado “exclusivamente” a rematar as obras “en plena execución”. Neste marco o presidente referiuse ao arquivo, biblioteca, edificio de servizos e o de museos. Pérez Touriño aclarou que “non investimos nada en proxección de novos contedores”, e lembrou que no debate de investidura, se comprometeu a revisar o proxecto e amosou o seu convencemento de que “antes de fin de ano” se poidan “presentar as claves desa orientación e revisión”.
Máis información no sitio web da Xunta, en Galicia Hoxe e en La Voz de Galicia
