A presentación do novo web da Consellaría de Cultura que se realizou no CGAC esta mañá, serviulle a Ánxela Bugallo para adiantar as principais liñas do seu departamento para o vindeiro ano. Deste xeito, a aprobacións de leis coma a do Libro, o IGAEM, arquivos e museos e deporte son as principais propostas lexislativas para 2007. A redefinición da Cidade da Cultura será un dos campos que máis esforzos concentrará na Consellaría, un proceso que se agarda estea rematado para o vindeiro mes de abril. A nivel deportivo, anúncianse novas seleccións e a posta en marcha do novo plan de deporte escolar, mentres que para espectáculos incídese especialmente na reforma da Rede Galega de Teatros e Auditorios e no desenvolvemento de novos programas de artes escénicas. Iniciativas de difusión do Patrimonio e o desenvolvemento da proxección exterior da nosa cultura son outras das liñas que Bugallo agarda fortalecer ao longo deste curso político.
Máis información no novo web da Consellaría
