Hai uns días uns individuos entraron na Cova de Santalla e, armados con serras mecánicas, destrozaron dúas estalactitas e pintaron de vermello as paredes. A de Santalla é unha das 250 grutas que hai en Galicia e, segundo denuncia a Federación Galega de Espeleoloxía nunha reportaxe publicada en “La Voz de Galicia”, están desprotexidas perante as agresións vandálicas. De momento, das covas existentes no país a única que conta cun proxecto de explotación turística é a do Rei Cintolo. Un proxecto defendido polo Concello de Mondoñedo e a Deputación de Lugo e que está paralizado de xeito cautelar pola Xustiza despois da denuncia interposta pola Federación Galega de Espeleoloxía.
Mais información en La Voz de Galicia e sobre a Cova do Rei Cintolo na nosa hemeroteca