O país está mañá de festa. O Día de Galicia, Santiago de Compostela asume máis ca nunca a súa condición de capital e concentra un bo número de eventos festivos, culturais e políticos. Esta mesma noite poderán verse na Praza do Obradoiro os tradicionais fogos de artificio, e pouco despois diferentes propostas musicais encherán as rúas da cidade. O Festigal no Campus Sur, que continuará mañá, Amparanoia na Quintana, Banda Bassotti e outros grupos no parque de Belvís... As propostas multiplícanse, e continúan mañá con eventos coma a Ofrenda Rexia ante o Apóstolo e todo tipo de celebracións e manifestacións.
Máis información en Galicia Hoxe, en Santiago Turismo en Vieiros, no web do Festigal e en El Correo Gallego
