A feira do libro de Pontevedra e mais a da Coruña contarán dentro das súas actividades con propostas dedicadas á BD. O programa "A banda avanza", organizado pola Consellaría de Cultura e a Asociación BD Banda coa colaboración do Consello da Cultura Galega achegará a estes eventos unha mostra con obras vinte e dous autores do noso país. Ademais, celebraranse obradoiros de introdución á novena arte e mesas redondas a analizar a evolución deste fenómeno en Galicia. Nos mesmos eventos presentaranse os últimos lanzamentos de Faktoría K, os álbums "Detectives audaces", de Josep Beroy, e "Vilaverzas" de Miguel Robledo.
Máis información no web de BD Banda; consulta o díptico da actividade en pdf
