Alfonso García Sanmartín é elixido presidente da Asociación de Editores, confirmando o consenso do sector

Tal e como se anunciara, finalmente Alfonso García Sanmartín, director de Rodeira, foi elixido onte como novo presidente da Asociación Galega de Editores, con dezanove votos a favor e só tres en contra. Entre o seu proxecto de xestión, que continuará o labor desenvolvido nos últimos anos, está a busca dunha nova sede para a entidade, que quere mudarse ás proximidades de Compostela. Canda a este, está por desenvolver o proxecto do Salón do Libro e da Industria Editorial, previsto para o vindeiro mes de decembro. Con García Sanmartín completan a directiva Francisco Alonso, de Xerais, Pilar Sampil de Galaxia e Xosé Ballesteros, de Kalandraka.

Máis información en Galicia Hoxe; La Voz de Galiciae nos nosos arquivos