Hai un mes o Centro de Supercomputación de Galicia (CESGA), presentaba o portal mancomun.org, dedicado ao software libre. Onte, esta mesma entidade asinaba un convenio de colaboración cos Grupos Galegos de Usuarios de Linux. A idea é que estes grupos de programadores colaboren co CESGA na organización de xornadas, na difusión do software libre e na elaboración de contidos para o portal. Ao tempo, no marco da Tech Business Week que se está a celebrar en Compostela, as universidades galegas deron a coñecer onte os seus proxectos de desenvolvemento de programas deste tipo.
Máis información en Mancomun.org e en Galicia Hoxe