Naceu co obxectivo de ser o centro coordinador das iniciativas de software libre en Galicia. Chegou a contar con ata vinte técnicos contratados a través do CESGA. Hoxe esmorece mentres a Xunta acaba de convocar un concurso público para a contratación de servizos de consultoría dunha oficina que se encargue do fomento, promoción e execución do Software Libre. Entre os cometidos desta empresa, figura a elaboración dun plan estratéxico a medio e longo prazo a prol do software libre en Galicia. Segundo publica hoxe A Nosa Terra a Xunta argumentou que Mancomún.org é simplemente un portal na internet, xa que na pasada lexislatura nunca chegou a crearse un centro de iniciativas de Software Libre.
