As obras presentadas ao 23º premio Xerais baixo os lemas: "A venus de cristal", "Tres segundos de memoria" e "Escurios, ferruchos e calmotas" foron escollidas como finalistas polo xurado desta edición de entre as trinta obras presentadas. Entre as vinte e sete presentadas ao 1º Premio Fundación Caixa Galicia de Literatura Xuvenil o respectivo xurado, declarou finalistas as obras baixo os lemas: "Os infortunios do Bacharel Sansón Troleyro", "A morriña das balas" e "A Cova das Vacas Mortas". O xurado da 21 ª edición do Premio Merlín de literatura infantil acordou, entre as trinta e seis obras presentadas, declarar finalistas as que concorren como: "Acuarelas e días", "O tesouro da lagoa de Reid´Is" e "Simbad non falaba polo móbil". A Illa de San Simón, acollerá ao redor de 300 persoas este vindeiro sábado no acto literario musical e posterior cea, no que se fallarán os tres certames e repartiranse os trinta mil euros dos premios. Na festa intervirá como mantedor literario o escritor Manuel Rivas e actuarán Treixadura gaiteiros e Orfeón Treixadura.
Máis información en Edicións Xerais
