A Sección de Literatura do Consello da Cultura organiza unha mesa redonda sobre BD

A biblioteca do Consello da Cultura acolle mañá, trinta de maio, a partir das cinco da tarde, unha nova tertulia das que habitualmente organiza a Sección de Literatura. Pero, desta volta, é a BD o eixe do debate. Henrique Torreiro, Kiko da Silva e Kike Benlloch compartirán mesa baixo o título de "A banda deseñada no universo das letras". O encontro está aberto aos interesados que queiran asistir.