O consello de Administración de cerámicas do Castro, unha das empresas que conforma o Grupo Sargadelos, cambiou este martes de presidente. José Luís Vázquez, director da galería en Santiago substitúe no cargo a Isaac Díaz Pardo, quen presentara a súa dimisión o pasado catro de maio. Segundo confirma a Culturagalega.org o propio José Luís, “tratouse dunha candidatura única, de consenso, que obtivo o 63% dos votos”. Ademais, asegura que “se continuará na mesma liña de traballo e se vai perpetuar o seu espírito cultural”.
Máis información sobre este tema en La Opinión e sobre a polémica nos nosos arquivos
