A Consellaría de Cultura busca aproveitar o tempo que os máis pequenos pasan cos seus pais nas salas de espera dos pediatras para animalos á lectura. Segundo un comuniado da Consellaría. nestes lugares porase un punto de lectura, con libros que os usuarios poderán coller libremente e que estarán dirixidos, principalmente, a idades novas. Para o mantemento cotiá e a actualización dos fondos, a Consellería contará coa colaboración das bibliotecas municipais. O director xeral de Creación e Difusión Cultural, Luís Bará, presentou hoxe a iniciativa en Ames, que será, xunto con Cambre, a primeira das localidades. Ademais de nestas dúas vilas, Lendo Espero desenvolverase nos centros de saúde de Oleiros, Ames, Ribadeo, Monforte, Allariz, Carballiño, O Barco, Vilagarcía, Baiona, Tui e Moaña. Posteriormente estudarase a posibilidade de ampliar o programa a outros lugares.
