A biblioteca do Fórum Metropolitano da Coruña conta con 4.000 referencias de BD, entre elas os fondos do falecido cineasta Antonio Blanco. Un artigo na revista Interea Visual, da Deputación da Coruña, danos a coñecer as peculiaridades da catalogación destes fondos e sinala que case a cuarta parte dos préstamos de ficción que realizan no centro corresponden a cómic. Ademais, a rede achéganos os novos blogs de dous autores. Fernando Iglesias e Jacobo Fernández, que asina tamén o caderno de Archimboldo Roque, son as últimas incorporacións a este medio. Tamén encontramos outro web no que abonda a crítica sobre BD, o titulado "A metro escaso do cinismo".
Máis información no web da revista Interea; blog de Fernando Iglesias, blog de Jacobo Fernández; blog de Archimboldo Roque; A metro escaso do cinismo
