O debuxo co que Tirso Cons contribúe ao álbum francés de homenaxe ao mítico personaxe Sillage pode verse xa, con cor de Javi Martín, no blog do autor. Canda a isto, Hugo Covelo achéganos as páxinas da historia que prepara para a vindeira revista "Biscuit", centrada na arte. No blog deste autor, ademais, tamén está dispoñible un adianto da historia que publicará no vindeiro número de "Barsowia". Finalmente, no blog de José Domingo podemos ver os deseños de personaxes de Cuimhne, o álbum no que está a traballar con guión de Kike Benlloch.
Máis información no blog de Tirso blog de Hugo e no blog de José Domingo (1 e 2)
