O Colexio Peleteiro, en Compostela, acolle hoxe a presentación dos gañadores nos XXXIV Premios Minerva. Desta volta Iria Acenoso, de Boiro, levou o primeiro premio de poesía mentres que Triana Doce, de Poio, fíxose co de narrativa. Pola súa banda, na Fundación Caixa Galicia de Lugo dábase a coñecer onte o resultado do XIX Premio Literario Ánxel Fole. Un estudo sobre Nicomedes Pastor Díaz, asinado por Xesús Blanco, Silvana Castro, Pilar García Negro, Amelia Sánchez e mais Goretti Sanmartín fíxose con este galardón, que premia traballos de investigacións sobre escritores nacidos na provincia de Lugo.
Máis información en Compostela Cultura sobre os premios Minerva e en Yahoo News e no web da Fundación Caixa Galicia sobre o Ánxel Fole
