Case catro anos despois da presentación do proxecto, hoxe ponse a andar a Fundación Vía Galego. Esta entidade, promovida desde a Mesa pola Normalización, pretende tender pontes para favorecer a circulación cultural entre países do ámbito lusófono así como potenciar a proxección exterior do galego, especialmente en territorios de fóra da Comunidade onde se fala o noso idioma. De xeito simultáneo, a Secretaría Xeral de Política Lingüística presentaba onte un proxecto piloto para promover o noso idioma entre os funcionarios. A creación dun equipo de normalización na delegación de Presidencia en Ourense e a posta en marcha dun concurso de ideas entre os funcionarios son as primeiras medidas neste sentido.
Máis información sobre a Fundación Vía Galego en Galicia Hoxe, no web da Mesa, e nos nosos arquivos; sobre o programa de Normalización Lingüística en Galicia Hoxe e no web da Xunta
