A Concellaría de Cultura de Forcarei busca apoios para pór en marcha un museo dedicado á banda deseñada

O primeiro museo dedicado á banda deseñada en Galicia abrirá, se non xorden contratempos, en Forcarei o vindeiro ano. Cando menos esta é a intención de Francisco Rozados, concelleiro de cultura nesta localidade que está a traballar no desenvolvemento do proxecto. A idea é que o centro preste atención á BD internacional e española ademais de amosar produción galega. Para alén de material impreso, na iniciativa xa contan cunha nutrida colección de orixinais de autores clásicos coma Jack Kirby, Will Eisner, John Buscema, John Byrne ou, máis achegados, Ibáñez, Vázquez, Serafín, Jorge, Pañella ou Manuel Gago. Na actualidade están na busca de conseguir orixinais de autores galegos. Pódese contactar con eles a través do mail leadermontes@terra.es