A Asociación Galega de Editores xunto coa Galería Sargadelos organizan en Barcelona a Semana do Libro Galego coincidindo coa celebración do Día do Libro o 23 de abril. O local de Sargadelos na capital catalá acollerá catro presentacións de libros galegos das editoriais Xerais e Baía entre o mércores e o sábado, así como a presentación do Proxecto Século 21 de Galaxia, Ediciós do Castro e Edicións do Cumio. Durante o Día do Libro a galería estará aberta e contará ademais cun posto na Rambla de Cataluña á altura do Carrer de Provença onde se fará a sinatura de libros a cargo de Xosé Manuel Fernández Costas, Alfredo Conde e Xosé Lois García durante a mañá.
Máis información na AGE
