Caixa Galicia e mais Galaxia presentaban onte en Vigo os dous primeiros volumes da Obra Xornalística Completa de Carlos Casares. Os libros recollen as columnas "Á marxe" que o escritor publicou en "La Voz de Galicia" entre 1992 e 1993. A intención dos editores é completar a compilación deste material en oito volumes máis, que sairán a razón de dous cada ano. Ao tempo, onte asinábase o acordo entre o Instituto Galego de Artes Escénicas e Musicais e mais as editoras Galaxia e Xerais. Por este acordo, Xerais coeditará con este organismo a colección "Os libros do Centro Dramático", mentres que Galaxia abordará a serie "Biblioteca Básica de Teatro".
Máis información sobre a edición de artigos de Casare en La Voz de Galicia; sobre o convenio do IGAEM en Galicia Hoxe
