Unha ara funeraria asenta a idea da importancia do Vigo romano mentres continúa sen se recuperar a lauda dun soldado romano en Santa Comba

Unha ara funeraria dedicada aos deuses Manes en perfecto estado de conservación aparecía hai quince días nun predio da rúa Areal, en Vigo. Esta descuberta salienta, segundo o arqueólogo da Delegación Provincial de Cultura, Xulio Carballo, a importancia que esta cidade tiña durante o período romano. Canda á peza, de metro oitenta de altura, apareceron restos de cerámica, moedas, anacos de dúas tumbas e partes de construcións. Ao tempo, "El Correo Gallego" salienta hoxe que a lauda do soldado romano que un agricultor encontrou en Santa Comba continúa no muro dunha casa particular. Aínda que o descubridor asegura ter iniciado os trámites para que a laxe pase ao dominio público en decembro, desde a Dirección Xeral de Patrimonio sinalan que non poderán facerse cargo dela ata abril.

Máis información no Galicia Hoxe e no Faro de Vigo; sobre a lauda de Santa Comba en El Correo Gallego; e nos nosos arquivos