O Museo do Pobo pretende no seu informe que a Cidade da Cultura se converta no eixo da política cultural galega

Isaac Díaz Pardo, Xusto Beramendi e Carlos García Martínez entregaron ao Presidente da Xunta de Galicia o informe do Museo do Pobo sobre a Cidade da Cultura. Un documento que establece que o complexo do monte Gaiás debe ser o referente que articule todas as políticas culturais do país. O informe considera que os contidos dos seis edificios non deben ser compartimentos estancos, senón que deben traballar de xeito conxunto. Os dez expertos que traballaron durante seis meses no proxecto propoñen varios cambios para os usos definidos inicialmente: o que ía ser a Hemeroteca debería converterse na Biblioteca Nacional de Galicia que coordinase o sistema bibliotecario; o Palacio da Música debería ser un Centro das Artes con funcións polivalentes para a produción artística, mentres o edificio das novas tecnoloxías podería converterse nun Centro de Formación e de Coordinación.

Máis información en La Voz de Galicia, no web da Xunta, Galicia Hoxe e na nosa hemeroteca