En outubro do ano pasado o Concello de Lugo anunciou a intención de crear o segundo museo interactivo de España para explicar a súa historia. Agora sabemos un pouco máis dese proxecto, que empeza a concretar datas de traballo. Os contidos do “Museo Interactivo de Historia de Lugo” (MIHL) estarán deseñados por Flavia Sparacino, unha italiana integrante do MIT de Massachusetts e que é unha referencia polos seus traballos en 3D. Sparacino levará ao mundo virtual os contidos que define un grupo de historiadores entre os que están Pedro Saavedra e Ramón Villares. As previsións estiman que esta parte estará completada para finais do ano en curso. A seguinte etapa é a construción do centro que comezará no 2007 e que se financia con cargo a fondos municipais e a un crédito de sete millóns concedido polo Ministerio de Industria.
Máis información en El Progreso e na nosa hemeroteca