O vindeiro verán comezarán as obras do futuro Museo Interactivo da Historia de Lugo. Así o anunciou onte o alcalde desta cidade, Xosé López Orozco, na presentación do proxecto deste espazo. Segundo o rexedor, a obra contará cun orzamento de 8.759.000 euros, e prevé un espazo de 500 metros cadrados para a exposición permanente, outro de 242 para mostras temporais e unha biblioteca. O proxecto prevé un museo subterráneo que estará cuberto por un xardín de máis de 4.000 metros cadrados.
Máis información en El Progreso; en La Voz de Galicia e nos nosos arquivos