As bibliotecas públicas que dependen do Goberno Central disporán este ano de 9.600.000 euros para a adquisición de fondos. Esta cifra, que supón un notable incremento sobre os 2.912.000 euros de 2005 permitirá, segundo asegurou a ministra de Cultura, actualizar os fondos destes centros. Desta cifra, cando menos un millón de euros irá destinado á adquisición de libros en linguas cooficiais. Segundo os datos do Ministerio de Cultura, en Galicia hai 275 centros susceptibles de verse afectados por esta medida.
Máis información en noticias.info e no Web do Ministerio de Cultura
