A xuntanza que mantiveron esta mañá o delegado do Estado na Zona Franca de Vigo, López Peña, e mais a conselleira de Cultura, Ánxela Bugallo, deu finalmente os seus froitos. A Consellaría de Cultura vaise facer cargo da xestión do Museo do Mar ao chegaren as dúas institucións a un acordo logo de meses de conversas frustradas. Polo momento aínda non se concretaron as condicións económicas, pero xa se pode adiantar que o museo formará parte da Rede Galega de Museos. A cesión será gratuíta e haberá un período de transición durante o cal a Zona Franca manterá a súa participación na xestión do museo.
Máis información nos nosos arquivos
