No estudo "Situación bibliotecaria do Concello de Vigo" presentado polo concelleiro de Asuntos Sociais, Ignacio López-Chaves, conclúese que só o 31% da poboación viguesa utiliza as bibliotecas da cidade e que faltan bibliotecas públicas, circunstancia que o Goberno local quere paliar cunha rede de centros cuxo nivel máis baixo estará nas bibliotecas de proximidade co obxectivo de que todos os vigueses poidan acceder a pé a unha biblioteca nun máximo de 15 minutos. Unha da situacións que deixa claro o estudo é a enorme importancia que ten a Universidade nos servizos bibliotecarios de Vigo, ofertando o 61% da superficie de bibliotecas, o 62% dos seus postos de lectura, o 33% dos ordenadores de uso público, o 46% dos volumes e o 61% das publicacións periódicas.
Máis información no Xornal do Concello
