O matrimonio galego Jesús Rei e Lucía Bouzas acaba de crear en Madrid a Fundación Feima, unha sociedade creada para difundir e promover a arte e a cultura galega, e promover os novos artistas galegos en Madrid. A Fundación abrirá a súa sede o 28 de abril na rúa Fernando o Santo en Madrid con obras de Laxeiro, Antonio Murado e Antón Lamazares. Outro día 28, pero de febreiro, abrirá as súas portas en Zaragoza a segunda edición de Interzonas, un encontro europeo no que a organización selecciona un proxecto por comunidade, e que aborda este ano a fronteira entre os soportes da pintura. O proxecto galego seleccionado foi o presentado polo crítico de arte Jose Manuel Lens que leva o pintor lalinense Álvaro Negro. Non é o único galego que participa nestes encontros xa que o coruñés Nilo Casares representará a Valencia, comunidade na que vive habitualmente.
Máis información en El Correo Gallego e no web de Interzonas
