A autora novel Rebeca Baceiredo, de vinte e seis anos, fíxose coa cuarta edición do Premio Ramón Piñeiro de Ensaio. "O suxeito posmoderno. Entre a estética e o consumo" é o título do traballo que será publicado o vindeiro ano por Galaxia. Segundo asegura Carlos Lema, secretario do Xurado, a obra "mostra unha ambición totalizadora moi grande para analizar o papel do individuo na sociedade contemporánea, e combina a neurobioloxía con todo o que é a análise dos medios de comunicación e como iso inflúe na percepción que ten o individuo do mundo".
Máis información en Galicia Hoxe e en La Voz de Galicia
