De novo Xapón chega a Vigo. A Asociación Ippon organiza a sétima edición dos seus Encontros de Cultura Xaponesa nos que, evidentemente, e canda a gastronomía, a caligrafía e outras cuestións haberá un grande espazo para o manga. Concursos sobre personaxes xaponesas de novena arte e mais de anime, proxección de filmes, certames de debuxo e outras actividades achegan o quiñón de BD a este evento, que se celebrará entre o 28 e o 30 de decembro na sede veciñal do Val do Fragoso. Lembramos tamén que por estas datas tamén se celebrarán os obradoiros de manga que organiza o Marco na Cidade Olívica.
Máis información no web da Asociación e no xornal da Universidade de Vigo; máis sobre os obradoiros do MARCO nesta nova
