A Asociación Ippon convoca para hoxe, venres 2 de xaneiro, e mañá, sábado 3, aos amantes galegos da cultura xaponesa. Os IX Encontros co Manga e co Anime celébranse no Auditorio Centro Cívico de Teis na cidade Olívica, cun amplo programa que inclúe karaokes, concurso de disfraces, proxeccións, xogos, conferencias, obradoiros e a presentación da serie Bícame profe, primeiro manga editado en galego, entre moitas outras iniciativas.
