Abstraccionismo, suprematismo e raionismo, diferentes movementos da vangarda rusa danse cita a partires de hoxe na Coruña. A mostra "Sen obxecto" recolle unha escolma de obras vangardistas de autores que desenvolveron a súa obra entre 1910 e 1930.
Mostra
Kandinsky, Malevich e Larionov son os reclamos principais da mostra "Sen obxecto" que hoxe se inaugura no quiosco Afonso. Un total de 30 obras compoñen a mostra que procede na súa maior parte do Museo Estatal Ruso de San Peterburgo. A exposición promovida por Caixanova chega a A Coruña logo de estar en Vigo e en Pontevedra.
Mosaico vangardista
O abstraccionismo, o suprematismo e o raionismo son algunhas das correntes das vangardas rusas que se poden apreciar no Quiosco Alfonso da Coruña. Así, xunto cos representantes deste movemento, Kandinski, Malevich e Larionov aparecen figuras como Rodchenko, Klium, Lebedev. A chamada pintura sen obxecto que apareceu en Rusia a partires de 1910 supuxo un referente dentro da arte vangardista en Europa que rachou cos movementos realistas en boga naquel momento.
