Case dúas mil fotografías, maioritariamente inéditas, e varias filmacións en formato Super 8 do escritor arxentino Julio Cortázar pasarán ao patrimonio galego. A viúva deste autor, Aurora Bernárdez, asina mañá co presidente da Xunta, Emilio Pérez Touriño, un acordo polo que doa este material ao noso país. Os fondos filmográficos encóntranse xa no Centro Galego de Artes da Imaxe, onde se está a proceder á súa dixitalización. Entre as fotografías consérvanse instantáneas da única viaxe do matrimonio a Galicia, de onde é orixinaria Bernárdez.
Máis información en La Voz de Galicia, en Galicia Hoxe e en La Opinión
