Levaba anos pelexando contra o cancro de mama e mesmo chegou a explicar esa loita en “Diario da luz e a sombra”. Victoria Moreno (Valencia de Alcántara, Cáceres, 1941) morreu onte en Pontevedra. Aínda que cacereña de nacemento escribía en galego desde que cumprira 24 anos converténdose nunha das mulleres pioneiras da narrativa galega. O seu enterro terá lugar esta tarde no cemiterio pontevedrés de San Mauro, logo de celebrarse o funeral na igrexa pontevedresa de San Xosé De Campolongo (ás 17:30). Entre a súa obra destaca “Anagnórise”, unha das novelas máis vendidas da literatura galega.
Máis información en La Voz de Galicia, El Correo Gallego e na súa ficha en LG3
