A primeira das Xornadas “Os incendios forestais en Galicia” que organiza o Consello da Cultura Galega rematou onte sinalando que nos vindeiros anos se producirá un incremento do risco de incendios. A seca fará ata un 25% máis probable que se declaren lumes, segundo asegurou o coordinador do evento e catedrático de Edafoloxía Francisco Díaz-Fierros. Esta situación deberá enfrontarse cun incremento na coordinación entre diferentes corpos encargados de loitar contra o lume. A falta de protocolos específicos e as dificultades para traballar en conxunto sinaláronse no marco das xornadas coma as grandes eivas da política contra incendios.
Máis información no web do Consello; en Galicia Hoxe; en La Voz de Galicia e en La Opinión
