Mil quiñentos operarios inician hoxe os traballos de roza que se enmarcan no Plan de Prevención de Incendios Forestais da Xunta. A idea é eliminar mato e acondicionar o monte con vistas a minimizar o risco de lumes. Os traballos comezarán polo momento nas 300.000 hectáreas de arborado de xestión pública. Ademais esta medida, a Consellaría de Medio Rural anunciou que incrementará a dotación económica das brigadas de investigación forestal e que haberá unha maior vixilancia nos montes. Ao tempo, solicitou a colaboración das sociedade civil na loita contra o lume.
Máis información en El Correo Gallego, en La Voz de Galicia e en Vieiros; máis sobre incendios nos nosos arquivos
