A conselleira de Educación compareceu onte no Parlamento Galego para explicar as liñas básicas da súa programación para o vindeiro ano. Ás medidas xa anunciadas para fomentar o coñecemento doutro idioma e o control de ferramentas informáticas, únese que os centros non pecharán ao remate da xornada escolar. Unha decisión que pretende conciliar a vida laboral e familiar e implica aumentar a dotación de persoal do centro e a oferta de actividades extraescolares. Ademais, revisarase a oferta de Formación Profesional eliminando os ciclos con menos demanda, destinaranse 337 millóns de euros ao plan de financiamento e reforzarase a política de bolsas.
Consulta a nota de prensa e o seguimento en La Voz de Galicia, El Correo Gallego e Faro de Vigo
